KRALENDIJK – Awe Erwin Phelipa èks polis a kumpli un aña mas di bida. Esnan ku wak e potrèt ta reakshoná i bisa: Awe Chino polis a hasi aña. Semper tur hende a yam’é Chino. Huntu ku e grupo di persona ku ta landa tur mainta na Chachacha Beach, enkabesá pa Eddy Rijna, a selebrá tur afó huntu ku Chino. Kantidat di kos pa kome i bebe pa tur presente. A dòrna e sitio, asina indiká ku tin selebrashon grandi. A entrega algun regalo pa Chino i e kos ku mas a hala atenshon tabata un revòlver. A regal’é e arma di plèstik, i bis’é ku awor pa dilanti e ta e persona di seguridat pa e grupo. Chino ta gosa huntu ku famia di su penshon bon meresí, awor nan ke duna kompromiso pa protehá e grupo di landadó. Na su kabes nan a pone un ban kòrá. Awe nan a probechá. Asina nan ta gosa di bida tur dia despues di landamentu na e sitio. Kombinashon di potrèt ta ilustrá momentu di selebrashon.

Share This
error: Content is protected !!