KRALENDIJK – Suidadano Pascual Pablo Soliana a konta Radio Live 99.9 FM un mal eksperensia ku a sosodé kuné relashoná ku pagamentu di impuesto. “Mi tabata traha den gobièrnu i mi sa ku mi debe belasting”. Poko poko mi tabata paga, sinembargo nan no tabata indikámi kuantu mi mester paga. Despues nan a manda yamami pa drenta areglo di pago pa impuesto. Mi a bisa nan mi ta paga tur luna un montante. Nan a bisa ku nan ta bai kuminsá i si mi ta deseá pa pasa i asina sinta palabrá kon ta bai paga. Asina a kuminsá kita for di mi sèn tiki tiki na banko. Algu mas ku un aña despues e inspektor di ofisina di belasting, 1980 a bisami ku ami a paga di mas. Despues mi a risibí un karta ku ta bisa nan a kita 900 florin di mas. A pidimi pa bai ‘Ontvangerkantoor’ pa por risibí e montante. Ora mi a yega e ofisina nan a wak e kuenta i a resultá ku nan no a kita nada for di mi kuenta. Esaki ta manera ta un baño di awa friu. Inspektor ta bisa debe ta kanselá i riba mi kuenta tur sèn ta intakto. Mi a sigui traha i despues a tuma nota ku ta kita algu for di mi salario. Nan a splikami ta algu ku ora baha ku penshun e fondo ta kubri gastu di sierto kos pa tratamentu médiko. Mi mester a haña tratamentu médiko i nan a bisa nan no ta paga pasobra mi no tabata paga pa haña e servisio. Mi a paga awor ku a yega e momentu pa mi risibí trato médiko e no ta posibel.  Pues a kita sèn for di ami, sinembargo e sèn no a bai e destinashon korekto. Despues di investigashon a resultá ku e sèn tei, sinembargo niun hende no sa unda e ta. Nan a bisami awor ku mi debe, i nan ta bin kue tur kos den beslag,”suidadano Pascual di 83 aña a konta. “Ami a bisa nan bin ku polis i mas, pasobra e kos no ta bai asina. Mi nietu a bai traha riba un tereno ku ta mi propiedat, i nan a bis’é ku e tereno ta den beslag. Mi ta wardando riba e karta di beslag. Mi a pidi hopi bia pa bai ku e kaso hues, esaki no a sosodé, pa asina mi mustranan e realidat.  Mi ta puntra si nos ta biba riba un isla kaminda tin hustisia? Mi no ta sinti ku tin esei. Mi no tin defensa. Mi ta di akuerdo pa paga impuesto, sinembargo mi no ta aseptá ladronisia, ”Pascual a menshoná.

Share This
error: Content is protected !!