KRALENDIJK – Suidadano konosí, alabes diputado Sr. Elvis tjin Asjoe a kontribuí pa pone un man na e trapi ku ta baha bai laman na Chachacha Beach. Motibu ku a buta e man na e trapi, ta pa esnan ku ta landa tur mainta na e sitio, i tin poko difikultat pa baha e trapi ku no tin un man pa por tene n’e. E miembronan di e grupo ku ta landa tur mainta enkabesá pa Eddy Rijna manera nan ta bisa, tin algun plan mas. Nan ke modifiká e sitio pa e ta mas apropiá pa esnan ku tin difikultat pa drenta i sali for di laman. Potrèt ta ilustrá e man ku a pega resientemente.  

Share This
error: Content is protected !!