KRALENDIJK – Un suidadano a tuma kontakto ku Radio Live 99.9 FM pa ekspresá loke e no ta komprondé. Ta trata di e forma kon ZVK ta atendé ku mandamentu di pashènt pa eksterior, i no ta aprobá pa un kompañé . E suidadano a menshoná ku un hende mester bai Colombia pa tratamentu médiko avansá, i no ta haña un guia pa biaha huntu kuné. El a sigui bisa: ” kisas tin algun persona a hasi mal uso di e oportunidat komo guia di un pashènt den eksterior, loke a pone ZVK stòp di aprobá pa pashènt biaha ku un persona pa sostené. Ta tarea di ZVK pa atendé ku esnan ku ta hasi mal uso di e oportunidat, i kontinuá ku esnan ku ta serio pa loke ta trata e meta ku nan ta bai den eksterior, esta pa sostené pashènt. ”e suidadano a konta.

Share This
error: Content is protected !!