KRALENDIJK – Awe mainta selebrashon di Santa Eukaristia na Parokia La Bírgen di Coromoto tabata na enkargo di muchanan di Skol Amplio Papa Cornes 8B. E muchanan a hasi diferente tarea entre otro lesa lektura, salmo i interseshon durante misa. Ta trata di muchanan ku otro aña ta bai SGB. Durante proklamashon di Evangelio, Pader Alphonsus Baak a menshoná kasi na final:” Niun kriá no por sirbi 2 shon, pasobra òf e ta pega un na su kurason i ta menospresiá e otro. Boso no por sirbi Dios i rikesa na mes tempu.” Tambe Pader Baak a papia di Norman ‘Palu Djo’ Evertz, kende resientemente a bai sosegá den brasa di Señor. Santu Sakrifisio di misa tabata animá pa un grupo di dosente di Skol Amplio Papa Cornes, kendenan a kanta bunita e mainta.   

       

Share This
error: Content is protected !!