KRALENDIJK – E aña aki ta selebrá e di 52 edishon di Regata Bonaire. 

Tur aktividat riba tera i laman ta tuma lugá na Playa, durante dia i anochi. 

Meskos ku tur aña, e aña aki tin selebrashon nan anual manera ‘Flag parade’ ku ta djarason 9 di òktober pa 6’or atardi saliendo for di stadion di Playa, kompaña pa brasbènt di muchanan di ‘Casa de Musica’. Djaweps ‘Kids parade’ i djasabra e famoso ‘Boatparty’.

Durante dia por partisipá na diferente aktividat, show i kompetensia riba laman. Tur aktividat ta tuma lugá den e área di Playa.

Anochi tin fiesta grandi na e ‘Regata Village’, kaminda tin mas ku 30 tènt di kuminda, artesania i ‘Kidscorner’ pa e muchanan. Tin pakete spesial ku ta kosta solamente 1 dòler pa tur wega ku un durashon di 2 ora. Esaki ta di djaweps te ku djasabra di 10 or pa 12 or i 3 or pa 5 or. 

Kada anochi tin diferente agrupashon musikal ku musika lokal bibu manera: FMK, Grupo Eso, Foyan Boyz, Semii Marten, Roots Vibrations, Back to track. Durante e promé anochi ta bai tin presentashon di Jeady-ann Davelaar i Tsean & 2 Sync den konsierto. Di dos dia Farley’s Entertainment ku Ikej Jeserun i Vibe Entertainment ku Luwi Yano. Di tres anochi Ataniro ku su Live Band, i pa sera e anochi direktamente for di Repúblika Dominikana, Lirico en la casa. Djasabra anochi nos ta sera e festival ku e banda di momento ‘ICONS’ direktamente for di Kòrsou.

Share This
error: Content is protected !!