HABITANTENAN DI ‘TANKI MATRIMONIO’ HOPI DESGUSTÁ TA PIDI OUSILIO.

Written by on

KRALENDIJK – Radio Live 99.9 FM a risibí reklamonan fuerte i desgustu tokante e área di ‘Tanki Matrimonio’.

Anteriormente momentu ku a limpia i pone e tereno kla pa konstruí, a bini hopi reakshon den prensa relashoná ku e área di Tanki Matrimonio, ku e área aki ta unu unda hopi awa ta yena momentu òf temporada di yobida. Awe despues ku áwaseru a kai 1 pa 2 dia, ta un káos tin den e área.

E habitantenan ta reakshoná i bisa: ”Nos a antisipá i alerta di e situashon ku ta surgi ora ku awa kai, sinembargo niun hende no a skucha. Awa ta keda para, forma lodo i pone ku outonan ta pega den e kaya i den kura di kas.

Tin un entrada ku bo ta kore bin baha den un “Community Pool” ora awa kai. Esei ta mitar tera, mitar asfalt.

Nos no por kompronde kon den un “verkavelingsplan” a traha kas sin tin e infrastruktura pa un kaminda i “afvoer system” pa ora awa kai.

Ayera 22 di Sèptèmber un outo a pega pa motibu di lodo ku awa ku ta keda riba kaminda momentu i despues di áwaseru. No ta deskartá ku mas outo ta bai pega, pasobra den e área e tera a bira un lodo hopi moli, ”Nan a konta. Nan a sigui bisa: ”Nos di Tanki Matrimonio ta pidi ousilio, i pa e instansia konserní remediá e situashon mas rápido posibel. Awor mes ku áwaseru a kai 1 pa 2 dia e situashon ta asina, ”habitantenan di Tanki Matrimonio a finalisá bisando.  

Share This

Current track

Title

Artist

error: Content is protected !!