KRALENDIJK – Den kuadro di luna mundial di Alzheimer, Fundashon Alzheimer Bonaire a organisá un kaminata djasabra último. Despues ku Evert Piar presidente di e fundashon a dirigí algun palabra, kanadónan a kuminsá kana. Un kantidat di persona a kumpra karchi pa partisipá den e kaminata di djasabra. E kaminata a sali dilanti di hospital Fundashon Mariadal un poko lat, debí na áwaseru ku tabata kai e atardi. Hopi miembro di famia a uni i a kana pasa den algun kaya. Algun persona tabata ku nan kitara i kuarta pa asina animá e kanadónan. Diferente persona a bai den ròl stul, miéntras un miembro di famia tabata kore nan. Despues ku a kaminata a sali i pasa algun kaya, mester a stòp e aktividat i regresá hospital, unda e salida tabata. Manera nan ta bisa, un palu di áwaseru a topa e grupo, loke a pone ku nan no por a kontinuá e ruta palabrá den su totalidat.

Kombinashon di potrèt ta ilustrá salida di e kaminata. 

Share This
error: Content is protected !!