KRALENDIJK – Djarason 9 òktober 2019 benidero ta bai tin e tradishonal kareda di Regata organisá pa Comcabon. E kareda ta karga e nòmber ‘35th Regatta Run 2019’ i ta tuma lugá djarason 9 Òktober saliendo dilanti di rotònde na Hato, banda di edifisio di Trans World Radio. Ya pa 35 aña e organisashon di kareda di Pia na Boneiru ‘Comcabon’, ta organis’é i e tin su lugá den e siman di Regata. Salida di e kareda ta na rotònde na Hato, 9 di òktober pa mitar di 6 (17:30) di atardi.

Mucha entre 10 pa 15 aña ta kore e diferente kilometer dependé nan edat entre 1, 2 i 4 kilometer. Adulto di edat entre 16 pa 60 bai ariba ta kore e ruta di e kareda kompletu di 5 kilometer. Pa inskribí pa e kareda por hasi esaki solamente dia 5 i 7 di òktober na ‘Zeezicht Bar Restaurant’  atardi entre 5’or i 7’or (pm). No por inskribí pa kompetí den kareda riba e fecha ku ta organisá e kareda di pia, esta 9 òktober 2019.

Tene kuenta ku e kareda ta sali for di rotònde na Hato pa 17:30 i ta finalisá na ‘The Islander’.

Share This
error: Content is protected !!