DESPUES DI UN ODISEA DI 18 DIA RIBA LAMAN, 6 PISKADÓ VENESOLANO RESKATÁ PA WARDAKOSTA

Written by on

KRALENDIJK – 6 venesolano ku tabata pèrdí 18 dia riba laman milagrosamente a keda reskatá.

E venesolanonan piskadó a konta ku nan tabatin 3 siman pèrdí i ya a prepará ku nan no ta skapa. Ta trata di un boto ku a sali for di Venezuela ku 6 piskadó pa bai piska, i a haña nan ku problema kaminda motor a daña i paga. “Eudismar” ta nòmber di e boto. E avion Dash di wardakosta a tuma nota di hende ku tabata zuai i pidi yudansa riba laman. Esaki tabata 19 pa 20 di sèptèmber. Momentu ku a topa e hendenan, nan a konta ku nan tabatin 18 dia riba laman. Nan a pèrdè speransa di bida. Miembronan di wardakosta a pone un otro motor na e boto di e 6 piskadónan i huntu nan a nabegá  pa Boneiru ku tabata 60 mia leu, i mas serka. Momentu ku nan a yega Boneiru, a hiba tur 6 hospital pa duna nan atenshon nesesario. Nan a sali pa bai piska pegá ku Trinidad and Tobaco. Motor di Boto a daña i niun hende a tuma nota di nan ku no ta e avion Dash di wardakosta, momentu ku nan tabata 60 mia nort di Boneiru. Awa di bebe i kuminda a kaba. Nan a kuminsá bebe nan mes urina pa sobrebibí. 1 dia promé ku e avion a señalá nan, áwaseru a kuminsá kai. Obra di Dios. Nan a kuminsá bebe awa i fangu loke tabata posibel. Nan a entrega bida, mirando ku nan lo no skapa. E siguiente dia e avion Dash a tuma nota di nan. Nan a pèrdè peso i nan paden a kuminsá seka. Mardugá momentu ku nan yega Boneiru a hiba nan hospital i a stabilisá nan. Despues a bai ku nan Hotel. Nan situashon mental tabata mester di yudansa. Nan mente tabata pone den un posishon pa morto. Un milager a presentá i skapa nan. Pronto nan ta regresá nan pais. Nan famia tambe ta pendiente pa tende unda nan ta, i si nan ta na bida. Esaki ta un bida di un piskadó loke e ta òf por eksperensia. Awor mester purba drecha e boto i si no logra, ta manda e hendenan ku avion pa Venezuela.  


Share This

Current track

Title

Artist

error: Content is protected !!