KRALENDIJK – Diputado James Kroon a papia ku suidadanonan di Rincon, esaki relashoná ku loke e nan ta pidi atenshon pe.

Djabièrnè 20 di sèptèmber último un grupo a tene manifestashon pariba di misa na Rincon, paso kosnan no ta bai bon den e bario.

Entre otro nan a presentá na diputado ku nan tin prekupashon pa loke ta trata bankomátiko na Rincon. Nunka no tin sufisiente sèn den e mashin. ‘No tin un banko, tur a sera porta i bai’. A pidi diputado si por tin un ambulans pa Rincon, a papia di diferente kaya ku ta rekerí atenshon i spil pa yuda na algun sitio den tráfiko. Asina nan a elaborá riba diferente punto ku nan ke pa atendé. Diputado James Kroon a tuma kontakto ku direktor di banko miéntras nan tabata na e sitio i el a duna un splikashon kiko a sosodé ku e bankomátiko. Ta trata di un problema tékniko. E direktor a menshoná ku ta trahando pa trese mas posibilidat pa por “Swaip” den bario Rincon, i no mester usa plaka kèsh.

WEB ta bai sera su ofisina na Rincon’.

E parti di WEB tambe a haña reakshon, e asuntu di paga fin di luna i di “Pagabon”. Diputado Kroon a palabrá ku e grupo pa nan pone tur kos riba papel i entregá esaki na gobièrnu. Di parti di gobièrnu tin atenshon pa e remarkenan di  entre otro bario di Rincon, pa drecha mas ku ta na alkanse di gobièrnu pa e suidadano di Boneiru.

Dia 4 di òktober diputado Kroon ta reuní un bia mas ku e grupo.

Potrèt saká pa Rudolf Wout.

Share This
error: Content is protected !!