Sentro pa Hubentut i Famia ta tende ku regularidat ku mayor di beibi i yu chikitu ta insigur kon pa aktua ora nan yu(nan) haña nan mes den un situashon ku por ta peligroso. Mas importante ta kon pa  evitá esaki. Ferfelu ta ku hopi biaha e situashon nan aki ta sosodé na kas.

Sra. Shahaira Salas-Libier a duna un charla 17 sèptèmber ultimo tokante kon pa atendé i tambe prevení situashon nan ferfelu.

A trata puntonan manera:

*si e yu bebe algu venenoso (vergiftiging)

*ora e yu pega of choka (verslikken)

*ora e yu no ta hala rosea (verstikking)

*ora e yu por hoga (verdrinking)

* i tambe ora e yu tin un herida (wonden)

A bini dilanti puntonan manera protekshon di punta skèrpi di mesa pa evitá ku yu(nan) por heridá nan kurpa i/o wowo. Ora ta trata di warda produktonan di limpia kas, manera kloro, of esnanku ta hole dushi buta un kaminda na haltu.Tambe ta un punto di importansia kaminda tin awa,manera badje, hèmber of pool pa nunka pèrde yu for di bista. Ta bon pa ta alerta riba reakshon alérgiko di produkto, kuminda of ora e yu ta den besindario di animal. I por ultimo e bon uso di e stül di oùto.

Di Alarmcentrale Sra.Emanuella Libier tabata presente pa duna indikashon ki ora tin ku yama 911. Ora tin un aksidente serio of situashon ku un mayor no ta konfia por yama e number pa e sosten nesesario i rápido.

Sr John Cicilia a duna demostrashon por éhèmpel di ora un yu pega of no ta hala rosea kon tin ku atendé mesora pa no ta muchu lat.

Esaki ta un tópiko ku hopi mayor nota gusta papia over di dje, pero ta di sumo importansia pa atende mesora i no pèrde tempu.Nos yunan su bida por ta na peliger si nos no reakshoná lihe i korekto.

Algun mayor a indiká ku nan ke mas informashon tokante reanimashon di beibi I mucha, mara verbant i kon pa keda alerta. Esaki lo ta na enkargo di Sr. John Cicilia.

Pa mas informashon tokante kurso di  promé ousilio tuma kontakto ku Mimi Dongen na Shif, Kaya Prinses Marie 7 of yama 715-7200.

Share This
error: Content is protected !!