KRALENDIJK – No tin un ‘touwboot’ stashoná na Boneiru. Esaki debí ku esun na Kòrsou ta dañá i a manda e ‘touwboot’ OLA di Kompania di Tòu Kòrsou (KTK) ku tabata stashoná na Boneiru, pa remplasá trabou di ‘touwboot’ na Kòrsou. Radio Live 99.9 FM a purba drenta den kontakto ku kapitan di haf Sr. Gunter Flanegin, relashoná ku un situashon aki. Sr. Flanegin a reakshoná kòrtiku i a menshoná ku Boneiru ta sigui haña ayudo di ‘touwboot” for di hermana isla Kòrsou. Tur kos ta bai meskos ku tabata e kaso den pasado, kaminda Kòrsou ta fasilitá Boneiru ku ‘touwboot’ momentu ta nesesario. E ‘touwboot’ a bai Kòrsou debí ku esun ku tin na Kòrsou a konfrontá problema tékniko,” kapitan di haf a reakshoná bisando. Den transkurso di dia, Flanegin lo amplia mas riba e informashon aki.

Share This
error: Content is protected !!