Kralendijk – Komishon di Regata 2019 ta invitá tur mucha di Boneiru pa partisipá na e “Kids Corner”. Regata ta kuminsá 9 di òktober i terminá 12 di òktober 2019. E sitio ta den Parke Wilhelmina.

Tin un pakete spesial di 10 dòler pa mucha di skol ku ta inkluí akseso na e weganan durante di 2 ora. E muchanan ta haña chips i djus. E pakete aki por kumpr’é solamente adelantá.

E dianan i orario ku por usa e pakete di 10 dòler ta:

Djaweps 10 òktober pa djasabra 12 òktober, for di 10’or pa 12’or di mèrdia i 3’or pa 5’or di atardi.

Ta bai tin diferente wega i bònser di awa. E muchanan por trese nan sèrbètè i paña pa kambia. Nos no a lubidá riba e baby, i a krea un área spesial pa baby so. Durante dia lo bai tin lès di traha ‘Microboats’, i lès di windsurf grátis pa tur mucha.

Kada mayor mes ta responsabel pa bini ku e yu riba e dia.  Tene kuenta ku seguridat di e muchanan ku kantidat di karchi ta limitá pa kada dia. Nos ta rekomendá mayornan pa hasi uso di e oportunidat úniko aki, pa kumpra e pakete di 10 dòler. Por kumpra karchinan na mayoria skol di Boneiru.

Pa mas informashon òf pregunta relashoná ku ‘kidscorner Regatta’ por mail nos na: info@regattabonaire.com òf yama 7775689

Share This
error: Content is protected !!