KRALENDIJK – Boneiru tin oportunidat, unda Beach Volleyball Internashonal por bira unu anual.

Esaki a bin dilanti durante konferensia di prensa na Delfins Beach Resort resientemente.

BoVoBo huntu ku Norceca i Delphins Beach Resort, a yama e konferensia di prensa pa sera konosí i duna algun informashon un dia promé ku e promé ‘Torneo di Beach Volleyball’ ranka sali.

Na e okashon di parti BoVoBo tabata presente e presidente Gisette Emer, di parti Norcecasr. Daymian Stewart i di parti Delfins Beach Resort, David Rietveld.

E presidente di BoVoBo, Gisette Emer ku a habri e atardi di konferensia di prensa introdusiendo naturalmente tantu sr. David Rietveld di Delfins Beach Resort ku ta host e torneo, tambe Daymian Stewart di Norceca.

Por a nota ku nan tur tres kende a papia, tin nanishi den mes direkshon.

Daymian Stewart di parti Norceca a bisa ku ta dependé di BoVoBo ku e torneo ta sigui i bira unu anual pa Boneiru.

Realidat ta ku un torneo internashonal asina ta algu kostoso.

Di parti Delfins Beach Resort tambe ke mira e torneo bira unu anual na bienestar i di desaroyo di Boneiru i su deporte turístiko.

Di parti Norceca, Daymian Stewart a bisa ku nos tin tur loke nos mester pa un torneo asina, entre otro bon solo ku talbes nos ta kore p’e, pa e kalor enorme spesialmente e dianan aki, loke otronan no tin i ta sali buska esaki.

Mester invertí den esaki pa e keda realisá, loke den futuro lo kumbiní i benefisiá nos isla.

Akinan nos ta kere ku gobièrnu tin ku hinka sèn den esaki pa esaki por keda realisá.

Pa realisá esaki e aña aki, gobièrnu no a yuda ku, i si ke realisá esaki pa otro aña i hasi esaki unu anual, gobièrnu mester ta enbolbí den esaki finansieramente.

Gerensia di Delfins Beach Resort ta kla i ke mira esaki bira unu anual, pero mester di aporte tambe di gobièrnu pa e keda realisá.

Den un palabra ta bon pa menshoná ku tantu BoVoBo, Norceca i Delfins Beach Resort ta ku e nanishinan den mesun direkshon pa kontinuashon di esaki pa nos isla, algu ku sigur lo benefisiá nos isla turístikamente.

Share This
error: Content is protected !!