KRALENDIJK – Hopi luna no ta tende e gritu di retraso, loke tabata algu normal pa biahero di entre otro Boneiru, Kòrsou i Aruba. Último lunanan kompanianan di aviashon ku ta bula entre e islanan ariba menshoná ta hopi stabil. Den pasado e kompaña Insel Air tabatin un sistema di atendé ku skema di buelo, ku no tabata na òrdu. Esaki a sosodé pa algun aña, i despues e kompania a stòp di eksistí. Divi Divi Air ta un di e kompanianan ku tin hopi aña di eksistensia, i ta bula práktikamente semper na ora segun nan skema di buelo. Despues ku Insel Air a stòp di bula entre e 3 islanan ariba menshoná, e kompania EZ Air a amplia i ta bula relativamente na ora. Aparte di Divi Divi Air i Ez Air, Aruba Airlines ta otro kompania di biahe ku ta bula entre Boneiru, Aruba i Kòrsou, i ta kumpli bon na ora, segun nan skema. Lógikamente kada kompania por tin kontra tempu sierto momentu, i por pone ku nan ta poko for di nan skema. Esaki ta sosodé tur parti di mundu ku kompanianan di aviashon. Awor e hende por plania pa biaha entre islanan ABC pa kualke kompromiso, i nan por ta na e ora stipulá pa nan destinashon.  

 

Share This
error: Content is protected !!