SELIBON N.V. A RISIBÍ 3 “PERSCONTAINER”

KRALENDIJK – Shanelca Martha, kordinadó di komunikashon di Selibon N.V. a papia ku Radio Live 99.9 FM i a splika di un mashin nobo ‘Perscontainer’ ku nan a risibí. “ ta trata di un otro forma mas efisiente i higiéniko pa rekohé shushi separá. E mashin tin kapasidat pa pèrs 3 tipo di shushi, un pa un separá for di otro. E ta spesial pa kompanianan ku ta produsí hopi shushi i ke deshasí di esaki efisientemente. Boneiru tin diferente kompania ku ta den nesesidat di un mashin manera esun ku nos a kaba haña. E kompania ku hasi uso di e mashin, ta pone ku e trùk di SELIBON ta pasa ku ménos regularidat pa kue shushi. Esaki ta pone ku gastu ta baha i ta mas efisiente pa SELIBON debí ku no mester bai na e sitio ku regularidat, “ Martha a bisa.

“No mester di hopi kliko kaminda hasi uso di e ‘Perscontainer’ , pasobra e ta pèrs un kantidat grandi di shushi. SELIBON ta bai hür e ‘persconteiner’ i asina palabra kuantu bes mester pasa pa rekohé e shushi. Awor tin 3 di e ‘persconteiner’. E petishon ta hopi, pues mester bai wak kon ta amplia e kantidat di ‘perskonteiner’ pa e nesesidat. Klientenan ku ta interesá por pasa na ofisina di SELIBON pa por haña un demostrashon kon e ‘perskonteiner’ ta funshoná, Martha a finalisa bisando.”

“Tin kambio na kaminda.”

Share This
error: Content is protected !!