Pronóstiko di tempu pa Kòrsou i bisindario bálido te djamars mainta 06:00 o.l, 1 di òktober 2019.

Kompilá:
djaluna 30 di sèptèmber 2019, 05:00 o.l. (09:00 UTC).

Tempu:
Parsialmente te hopi nublá ku lokalmente un áwaseru kompañá pa welek i bos.

Temperatura máksimo lo alkansá 33 ºC, i temperatura mínimo di 27 ºC.
Solo ta sali 06:25 i ta baha 18:27 o.l.

Bientu:
Direkshon ost sùitost i suak te moderá; forsa 2 pa 4 (7 pa 30 km/ora, 4 pa 16 nudo). Durante momentunan di áwaseru, ráfaga te fuerte; forsa 5 pa 6 (31 te 50 km/ora, 17 te 27 nudo).

Situashon general:
Durante próksimo dianan tempu lo bira mas faborabel pa formashon di nubia ku lo trese momentunan di áwaseru kompañá pa welek i bos. Mas aleu, e forsa di bientu lo kontinuá por lo general moderá. Di otro banda, durante e próksimo 24 ora laman lo ta un poko mas brutu na kosta nort di Kòrsou okashoná pa resake.

Kondishon di laman:
Moderá ku altura di olanan entre 1 i 2 meter (3 te 6 pia). Na kosta nort di Kòrsou laman por ta poko mas brutu pa motibu di resake.

Sistemanan signifikante di wer tropikal:
Orkan Lorenzo ta kontinuá komo un siklon kategoria 3 den un direkshon nortost riba e parti sentral di Atlántiko Nort. Aunke ku e orkan aki a debilitá konsiderablemente durante e último 24 ora, esaki ta keda un sistema basta poderoso ku lo pasa serka di islanan Azores den transkurso di djamars anochi pa djarason. E sistema tropikal aki no ta forma un menasá pa Kòrsou ni área di Karibe.

Fenómeno spesial:
Ningun.

Perspektiva te djárason mainta:
Parsialmente te hopi nublá ku chèns pa algun áwaseru kompañá pa welek i bos.

Meteorólogo:
Rombley

Share This
error: Content is protected !!