KRALENDIJK – Djasabra tras di lomba ofisina di Turismo a organisá otro “Taste of Bonaire”. E biaha aki den un tremendo ambiente ku tema TURISMO relashoná ku siman di turismo. E aktividat manera semper a tuma lugá den playa den Parke Wilhelmina. Steel band Silver Bullet a toka i e grupo di brasbènt ‘Casa d’Musika’ a presentá. Den e parti di show Grupo di baile di ‘Dance Sensation Dansschool Bonaire’ a duna un bunita presentashon e anochi. Durante e aktividat entre otro a regalá diferente avion di blas, esaki relashoná ku selebrashon di 100 aña di eksistensia di e kompania di aviashon ‘Koningklijke Luchtvaart Maatschappij N.V.’ (KLM).

E siguiente “Taste of Bonaire” lo tuma luga dia 2 di novèmber ku e tema Healthy i despues dia 21 di desèmber lo tin e ‘Christmas Shopping Night’.

E kombinashon di potrèt ta ilustrá parti di e ambiente fin di siman tras di lomba.

Share This
error: Content is protected !!