KRALENDIJK – Hendenan ta sklama i puntra kuantu mas mester warda promé duna atenshon na waf di “Chachacha Beach”. Hopi gritu for di diferente persona kende ta bishita waf di “Chachacha Beach” pa landa, tambe yama ”Drijvelaar”. Radio Live 99.9 FM ta na altura ku diputado James Kroon sa di e situashon i tabatin plan pa renobá e waf, sinembargo pa un òf otro motibu esaki no a tuma lugá. E situashon ta peligroso. Tin lès di landamentu pa mucha ku tambe ta tuma lugá na e waf aki. Muchanan inosente ta kore bai bin riba e waf ku tur e konsekuensianan. Adultonan mester bai ku kuidou pa no kai i lastimá kurpa. Algun persona a pidi pa publiká e situashon un bes mas, pa asina esnan konserní tuma nota ku e kos ta serio i mester hasi algu pa kita e peliger ku esaki por kousa na e waf di Chachacha Beach.

Kombinashon di potrèt ta duna un bista kon e waf ta.

Share This
error: Content is protected !!