KRALENDIJK – Djabièrnè 27 sèptèmber 2019 tabata tin e promé aktividat ku e grupo di hóben Young & Strong di Sentro Hubentut i Famia a organisá.

Tópiko di e charla tabata ‘Mi ta úniko’. E meta di e charla aki ta pa inspirá e hóbennan ku nan ta úniko.

Johnrick (Jogo) Anthony tabata e orado pa e anochi aki. Jogo a splika di tur su eksperensia nan ku e tin ku arte di palabra,kanto etc. i kiko esaki nan a hasi kuné pa e por a bira e persona ku e ta awe.

Jogo su slogan ta; nada ni niun hende no por desviá mi for di mi meta òf di ta ken mi ta. Mi ta úniko. Ku esaki e kier a inspirá otro hóbennan pa nan bai pa loke(meta) ku nan ke, aunke ku tin ora esaki lo no ta fásil.

E anochi aki tabata tremendo ku hopi informashon i tabata hopi interaktivo.

Despues di e charla aki e hóbennan por a disfrutá di un ‘Happy Hour’ ku a wòrdu organisá dor di e grupo Young & Strong.

Sentro Hubentut i Famia ta yama danki na Johnrick (Jogo) Anthony i tambe na e grupo di hóben Young & Strong ku a organisá e anochi aki pa nos hóbennan.

Un danki tambe ta bai na tur e hóbennan huntu ku nan mayornan ku tabata presente na e charla aki.

Share This
error: Content is protected !!