KRALENDIJK — Relashoná ku bishita di sekretario di estado Tamara van Ark na Boneiru el a papia ku prensa na final di e bishita di trabou. Diputado Nina den Heyer tambe a dirigí palabra e atardi huntu ku sekretario di estado van Ark. Diputado a menshoná ku nan a bai na ‘Plenchi di Trabou’ pa esnan ku a pèrdè trabou i mester di yudansa. Tambe a bishita ‘Sentro Pre Eskolar Hardin Tia Sus’ pa tuma nota kon e lugá ta funshoná i a papia ku diferente persona. Tambe a papia di e situashon di pobresa, i nos tur ta konsiente ku tin trabou pa hasi pa mehorashon.  Awor ta tempu pa akshon i no mas kos riba papel,”diputado den Heyer a menshoná.

Diputado den Heyer a kontesta algun pregunta, entre nan ku e ta hopi kontentu ku e gabinete aktual ta pone skouder bou di e asuntu di salario mínimo. “E montante ku a stipulá awor ta hopi abou, i tur grupo ta di akuerdo pa bai atendé esaki pa tur isla di Hulanda Karibense. E grupo di hende di edat, nos a bai na algun kas i wak kiko i kon nos por pone kosnan na lugá, pa mehorá e situashon. Tin bia e hende tin bèrgwensa òf no tin konosementu di sierto kos, i no ta hasi uso di diferente posibilidat ku ya tin, “diputado den Heyer a bisa. 

Seguidamente a dirigí palabra sekretario di estado Tamara van Ark. “Ta importante pa a bishita Boneiru, kaminda mi a haña un bon bista di e situashon. Tokante ‘Dialogo Sosial’ ta importante ku a lant’é. Nos a papia ku hopi hende, ku ta deseá pa yuda pa drecha situashon na Boneiru, spesialmente relashoná ku pobresa. Meta ta pa hasi bida di e boneriano mihó. Sosial mínimo ta un punto importante pa nos bai atendé, kon pa tresé den balansa pa e entrada ta sufisiente pa e hende por biba bon. Mes kos e preis di loke nan tin ku kumpra por ta abou. Akohida pa mucha ta bai atendé esaki pa e ta mihó regla. Nos a duna  atenshon na hendenan ku kisas tabata den prison, i ta den libertat i ta difísil pa haña un trabou òf esnan ku tin un  defisiensia físiko i no por traha. Mi ta sigur si nos sigui traha fuerte nos ta logra pa mehorá e situashon. Tin diferente punto ku ta rekerí atenshon, sinembargo pa awor ta atendé pobresa i algun punto mas, i despues ta kontinuá ku otronan,”van Ark a menshoná. El a bisa ku nan ta perkurá pa 2020 e parti di akohida pa mucha ta mihó reglá.

Share This
error: Content is protected !!