SI NO KUIDA LOKE KU TIN, TRÙK MODERNO POR MANDA GRAN PARTI DI PERSONAL DI SELIBON N.V. KAS.

KRALENDIJK – Djabièrnè 27 di sèptèmber 2019, ABVO a firma un CAO nobo pa e trahadónan di Selibon N.V. Un CAO kaminda e enfoke ta pa adelanto den kondishonnan di trabou pero hopi importante tambe un CAO pa konservá kuponan di trabou.

E kontrato kolektivo nobo tin un durashon di 3 aña.

Durante firmamentu di kontrato kolektivo nobo aki, e presidente di A.B.V.O. sr. Adri Williams a papia i a menshoná algun punto fuerte.

“Mi ta kontentu ku awe nos ta firma un kontrato kolektivo nobo. SELIBON N.V. i A.B.VO. a firma algu unda nos ta kana dilanti di e otro islanan. Tene na kuenta ku kambio nan no ta na boso fabor. Sr. Williams a hasi un yamada fuerte na e trahadónan pa kuida ekipo i material di e kompania pa asina evitá ku e próksimo añanan lo por tin kualkier pensamentu den direkshon di bai outomatisá rekohementu di sushi. Aktualmente na mundu trùk nan pa kue shushi ta práktikamente kompletu outomatisá. No mester di hende patras di e trùk, loke tabata semper e kaso. Solamente mester di un shofùr i e mester ta un persona ku por manehá e parti pa kue e ‘kliko’, hasiendo uso di un palanka. Pues mester por dominá esaki bon i hisa e ‘kliko’ pa medio di e palanka sin hasi daño na nada den bisindario di e ‘kliko’. Ta importante pa nos mester protehá loke tin awor, asina e direktor di SELIBON huntu ku otronan, no ta yega na e idea pa buska e trùk moderno aki pa Boneiru. Un desishon asina lo ta funesto pa kuponan di trabou na Boneiru en general i trahadónan di Selibon en partikular. ”Si e trùk moderno yega Boneiru, gran parti di trahadó ta pèrdè trabou”. Hasi tur esfuerso pa hasi e trabou bon i kuida e trùknan pa largu tempu, ”presidente di A.B.V.O. a menshoná.

Trahadónan di Selibon tin den nan man pa evitá ku kuponan di trabou ta bai pèrdí na e empresa.

Share This
error: Content is protected !!