KRALENDIJK – Un waf ku ta hopi konosí i gustá na Boneiru ta esun di Chachacha Beach. Despues ku algun persona a hasi yamada na instansia nan konserní pa atendé ku e situashon deplorabel di e waf aki, un suidadano prekupá a pega algun tabla, asina stabilisá parti di e waf. Diferente persona ta bai na e sitio pa landa ku regularidat. Esaki  ya ta sosodé pa hopi aña. Hende di edat i muchanan ta frekuentá e sitio, i e turista. Ta notabel ku último tempu, despues di e mal tempu ku a pasa den besindario di Boneiru, laman tabata brutu i e waf a sufri daño i a keda deplorabel. E situashon ta peligroso, spesialmente muchanan ta subi e waf ku tur e konsekuensia.

E persona a menshoná ku e mes a disidí pa yuda pega algun palu, pa fortifiká un parti di e waf.

Riba potrèt por mira kon e waf a keda despues di e laman brutu, i awor ku el a pone algun tabla temporalmente, pa e waf ta poko mas mihó pa usuarionan. Mester duna atenshon na e waf e suidadano a bisa.

Un súplika ta bai pa e instansia konserní, pa pronto drecha e waf pone stabil pa e pueblo.

Share This
error: Content is protected !!