KRALENDIJK – Tim kulinario Bonaire a sera temporada ku un tremendo anochi, unda a invitá entre otro spònsernan ku a kontribuí ku nan durante e temporada di 2019.  Durante e aktividat, manera ta nan spesialidat e Tim Kulinario a perkurá kos di bebe i kome pa tur presente. Sabor di kada kos di kome ku nan a presentá no tin diskushon. Ta trata di un tim profeshonal ku nivel di preparashon mundial. Hopi aña e tim Kulinario di Bonaire, ta bou di guia di Isidoor van Riemsdijk i Floris van Loo kendenan sa di e tarea.

Durante e anochi den presensia di tur invitado van Loo i van Riemsdijk a entrega e plaka di mérito pa esnan ku a forma parti di Tim Kulinario mas ku 3 aña. Despues a entrega regalo na 2 persona,  ku resientemente a forma parti di e tim. A entrega bukèt di flor pa esnan ku ta tras di kortina ku ta sostené esnan  na kabes di e Tim Kulinario. Komo sorpresa a entrega plaka di mérito pa van Loo, kende pa 7 aña ta mènedjer di e tim Kulinario. Na mes momentu a presentá Dhanesh de Kok, e persona ku ta bai kontinuá komo mènedjer di e tim. Van Loo ta sigui ku e tim hasiendo otro tarea. E anochi nan a menshoná ku e plan ta pa 2020 kompetí na mas kompetensia aparte di  Merka.

Share This
error: Content is protected !!