BONEIRU TA GANA HULANDA 7-0 DEN FUTBÒL TORNEO DI REINO

0 Comment


KRALENDIJK – Despues ku e parti ofisial a tuma lugá den Stadion Antonio Trenidat den Rincon, a inisiá e promé wega. Ta trata di futbòl kaminda Boneiru a enfrentá Hulanda. Promé ku wega a kuminsá, tabata kos pa mira. Gezaghèber Edison Rijna a para den gol i Prens Pieter Christiaan van Oranje – Nassau a skòp bala direkshon di gol. Simplemente gezaghèber a laga Prens bor’é manera nan ta bisa. Un bala di skòp riba man drechi di portero Rijna, kende a hasi intento sinembargo no sufisiente pa stroba e bala di bai den gol.

Fo’i den minütnan inisial di e partido, Boneiru ta sali bai dilanti 1-0. Na momentu ku e partido a parti na dos pa sosiegu, Boneiru ya tabata dilanti 3-0 den e partido. E di dos mitar di e partido Boneiru ta hinka kuater gol mas pa finalmente gana e partido ku skor di 7-0.

Share This