HOPI ATENSHON PA EKSPOSISHON DI POTRÈT DI ÁNTES

0 Comment


KRALENDIJK – Djabièrnè 4 di òktober tabatin un eksposishon di potrèt di “Travelling Caribbean Heritage” (TCH). Ta trata di potrèt ku ta ilustrá e hende di ántes, i kompará nan ku presente. TCH ta un proyekto akadémiko ku ta konsistí di entre otro, Erasmus Universiteit te Rotterdam, de Universiteit van Aruba, Da Costa Gomez Universiteit van Curaçao, i FUHIKUBO. Meta di e proyekto ta pa hasi un investigashon riba tereno di entre otro kultura di Aruba, Bonaire, Curaçao i Hulanda. E proyekto tin un durashon di 4 aña i ta finansiá pa “Nederlands Organisatie voor Wetenschappelijk Onderzoek” (NWO). 

Esnan ku ta forma parti di e tim di TCH ta: Dr. Rose Mary Allen – Dr. Margo Groenewoud – Dr. Liesbeth Echteld – en Dr. Angela Roe van University of Curaçao Dr. Moises da Costa Gomez; Dr. Luc Alofs – Dr. Artwell Cain, Universiteit van Aruba; Liliane de Geus, M.A., M.Sc. FUHIKUBO Bonaire; Prof. dr. Gert Oostindie, KITLV & Universiteit Leiden, Dr. Valika Smeulders, KITLV en Prof. dr. Alex van Stipriaan, Erasmus Universiteit Rotterdam & KITLV. Durante siman tabatin oportunidat pa muchanan tambe a bishita e eksposishon. Nan tabatin e tarea pa konta di loke nan ta mira riba potrèt. Djabièrnè último tabata oportunidat pa komunidat  tuma nota di e potrètnan. Liliane de Geus i Alex van Stipriaan a guia esnan ku a bishita e sitio di eksposishon. Durante e siman tabatin profesornan presente. 2 Aruba, 2 Kòrsou i 3di Hulanda, ful siman, kaminda a elaborá kon ta bai drecha un buki.
Hopi hende a pasa durante e ora stipulá pa tuma nota di e diferente potrèt na e sitio ku tabata impreshonante.  

Share This