KOR MENSAHERONAN DI PAS 10 AÑA DI EKSISTENSIA

0 Comment


KRALENDIJK – Kor Mensaheronan di Pas a selebrá 10 aña di eksistensia. E grupo a selebrá tokando djadumingu mainta den parokia La Bírgen di Coromoto. Santu Sakrifisio di misa tabata animá pa e kor ariba menshoná, e promé djadumingu di luna di òktober, luna di flor luna di Rosario. Luna di flor pasobra ta temporada ku awa seru ta kuminsá kai. Aparte di esaki Pader Alphonsus Baak a konta nifikashon di un rosario. “El a konta ku hende ta puntra kon por ta ku Mama Maria ta mama di Dios, i Dios semper tabat’ei? Dios a bisa, Hesus ta mi yu. Hesus a bisa, esun ku mira Ami, a mira mi Tata.” Promé ku kantika final, Pader Alponsus Baak a bendishoná Boeis i Mayra Thomas kendenan a kumpli 39 aña di bida matrimonial. Na mes momentu el a resa i bendishoná 2 persona ku a hasi aña di bida i esnan di Kor Mensaheronan di Pas. Un bunita selebrashon den e totalidat, i na final Pader a resa huntu ku tur mucha un orashon na Mama Maria, mama di Hesus.

Share This