MINISTERIO PÚBLIKO A MANDA YAMA JAMES FINIES AWE MAINTA

0 Comment


KRALENDIJK – Ministerio públiko a manda yama James Finies di “Nos ke Boneiru bèk” (NKBB). Sr. Finies huntu ku su abogado Marga van Lieshout a papia ku fiskal awe mainta. Fiskal a papia di loke a sosodé i a yega na e siguiente konklushon i desishon. Esaki ta loke Finies a konta Radio live 99.9 FM awe mainta, djis despues ku nan a sali for di ofisina di ministerio públiko, e i su abogado van Lieshout. Finies a konta ku Ministerio públiko a sepone e kaso kontra su persona, kondishonalmente ku un kastigu di prueba di un aña. Durante un aña e no por kometé algu inkorekto, pasobra e ta bai prison. Pa awor e no mester bai prison.

Finies a sigui bisa: ”Algu straño a sosodé momentu ku nos a bai papia ku fiskal. El a pidi abogado van Lieshout paga su telefon durante e kombersashon. Finies a bisa ku e abogado a bis’é nunka algu asina a sosodé. El a sigui bisa, pé e kos por kaba awe si a djis pidié sòri loke a sosodé. Nan ta para riba ku ami no a kumpli i e un aña kondishonal ta keda kologá riba mi kabes. Loke polis ta deklará kontra mi persona no ta korekto. E kos no ta keda te aki. Mi ta laga tur kos den man di abogado ,”Finies a menshoná. Pafó di ofisina di ministerio públiko algun persona tabata sperando Finies na momentu ku e sali pafó pa nan tende kon a bai.

Share This