“OBERSI GROUP OF COMPANIES” A SELEBRÁ 35 ANIVERSARIO

0 Comment


KRALENDIJK – Djamars 1 di òktober 2019 ‘Obersi Group of Companies’ a selebrá 35 aniversario. Gerensia a organisá un fiesta kaminda a invitá diferente persona pa selebrá nan aniversario. E selebrashon a tuma lugá na e ofisina na Playa pabou. Na e okashon doño di e kompania Alvin Obersi, a dirigí algun palabra na tur presente i entre otro el a menshoná: ”35 aña pasá, a inisiá e negoshi, i awe e doño i nòmber di e empresa ta meskos. Esei ta bisa tur kos. Awe nos ta selebrá pasado, presente i futuro. Hopi hende ta papia di Xerox, loke a pega den komunidat komo nòmber di e negoshi. 35 aña pasa e tabata ‘Obersi Electronic’ i despues ‘Obersi Group of Companies’, ”Obersi a menshoná. Seguidamente Pader Ivan Dario Perez Gomez a hasi orashon dilanti di e edifisio i huntu ku tur a kanta kantika di alabansa. Despues a bendishoná gran parti di tur presente ku awa bendita. Pader a menshoná ku Alvin ta ehèmpel pa hopi komersiante riba Boneiru. Esaki pa motibu ku e tin un kurason habri pa yuda komunidat, loke ta hopi importante, esta duna bèk na komunidat, ”entre otro Pader Ivan a menshoná. Selebrashon a kontinuá unda tur hende a gosa di e anochi tumando algu di kome i bebe, i interkambiá di kombersashon.

Slogan di selebrashon 35 aña ta: ‘Past – Present and Future’

Share This