KRALENDIJK – Awe mainta den kareda di 7:32, notifikashon a drenta na warda di polis ku tin un aksidente di tráfiko entre 3 vehíkulo. Ta trata di 2 Toyota vits i un pikùp. E aksidente a tuma lugá riba kaya Yato Baco (kaminda di Amboina). 2 persona a keda transportá pa hòspital. Shofùr di un di e vehíkulo nan embolbí a keda detené pa motibu ku e tabata manehando bou di influensia di alkohòl. Ta trata di e hòmber di inisial R.B. ku a keda detené mesora despues di e aksidente. Outoridatnan ta investigando kiko ta kousa eksakto di e aksidente.

N’e momentonan aki esaki ta e úniko informashon ku KPCN por suministrá.

Share This
error: Content is protected !!