KRALENDIJK – Ayera djarason 9 di òktober a tuma lugá apertura ofisial di ‘Regata 2019’. Diferente grupo, kada un representando nan pais a marcha den sentro di suidat bai finalisá dilanti di e esenario prinsipal banda di bestür kantor. Momentu ku e gruponan a yega na esenario nan a subié p’asina tur presente tuma nota di nan.

Maestro di seremonia Aimed Ayubi a yama gezaghèber di Boneiru Edison Rijna pa dirigí palabra i deklará Regata 2019 ofisialmente habri. Rayshantaly Coffie “Miss Tourism Bonaire” a gradisí tur hende pa nan presensia, i pa pasa dushi dianan di Regata. Despues a kontinuá presentashon di “Dance Sensation Dasschool Bonaire”. Seguidamente a  presentá un grupo di persona kendenan resientemente a hasi diferente grabashon relashoná ku e deporte ku nan ta práktika den eksterior. E grupo di persona tabata bou di guia di Reksel Engelhart di “BYOF”. Despues a sigui ku presentashon di “Ritmiko Timon Krioyo”, Jeady i Tsean i su banda a sera e promé anochi. E área tabata yen yen di hende pa gosa di e promé dia di Regata

Share This
error: Content is protected !!