KRALENDIJK – E konosido artista Jeon, ku su nòmber mes ta Jonathan Thiel, huntu ku su tata Robert Thiel, ámbos di Aruba a kanta den Regata 2019. Nan a presentá dilanti di Zeezicht Bar Restaurant ayera djaweps 10 di òktober. Ámbos tabata riba esenario e anochi unda nan a duna tur ku tin i esnan presente a gosa enorme di e ambiente. Robert tabata bisa Jeon, ”momentu ku tata papia, yu mester tende.” P’esei nan ta na Boneiru i huntu riba esenario. Riba drùmer tabata toka e boneriano outéntiko Julius Martines, kende ta un persona ku bon konosementu di drùmer. Hopi hende a aglomerá den area pa gosa di e ambiente. 

Share This
error: Content is protected !!