KRALENDIJK – Kampionato di futbòl 2019-2020 ta kuminsá djabièrnè 25 òktober 2019 ku e promé partido 8’or anochi den Stadion Antonio Trenidad na Rincon.
Promé ku esei, dia 23 òktober aki tin e asina yamá Torneo Super Cup, ku lo ta entre e ekipo kampion di FFB ku ta Real Rincon i Estrellas ku ta kampion Kopa di Oro.
Kampionato 2019-2020, lo konta ku partisipashon di 10 ekipo di futbòl.
Ta trata di e ekiponan;
Real Rincon.
Vespo.
Estrellas.
Young Boys.
Uruguay.
Vitesse.
Juventus.
Atlétiko Flamingo.
ATC.
Arriba Perú.
E kampionato lo hunga dos buèlta regular pa despues plei-òf entre e promé kuaternan, di kua e seis ekiponan ku no a klasifiká, lo hunga tambe un plei-òf entre nan pa yega na ganadó Kopa di Oro.
Tur klase di éksito na e ekiponan den e kampionato.