KRALENDIJK – Ayera 10 di òktober, kuerpo polisial Hulanda Karibense (KPCN) a selebrá 9 aña di eksistensia i despues ku tabata tin un Santu Sakrifisio di misa, e tim di MT a sinta na mesa huntu ku miembronan di prensa. Nan konta nan eksperensia di e añanan ku a pasa. Hefe di e kuerpo di polis Jose Rosales a dirigí algun palabra, i a menshoná ku nan mester di prensa pa entre otro informá komunidat. Hefe di redakshon di radio Live 99.9 FM a reakshoná bisando ku prensa tambe mester di polis i ta notabel ku tin mehorashon pa loke ta trata e relashon entre polis i prensa. Edwin van der Giessen a dirigí palabra e atardi i a menshoná ku nan ta deseá pa mehorá e situashon di prensa huntu ku polis pa kada un ku nan tarea komprondé otro bon. Junny Lopez a bisa ku nan komo polis ta perkurá pa Boneiru ta sigur, i esaki huntu ku otronan nos por logr’é mihó posibel. “Mi ta yama danki na komunidat ku sigur ta yuda kontribuí pa e parti di seguridat riba e isla.”

Den kombersashon, pregunta i kontesta entre otro polis a menshoná ku nan tin atenshon pa tokamentu ku zonido fuerte anochi lat den sentro di suidat for di vehíkulonan riba kaya. Finalmente hefe di kuerpo di polis KPCN a menshoná ku ta aploudí ku e ta tende ku tin adelanto den e forma ku polis ta atendé ku prensa riba kaya.
“2005 ami a yega Boneiru i kuerpo di polis na Boneiru awor KPCN a desaroyá bon. Tin arma di kandela nobo i sofistiká, outo nobo pa patruyá bon ekipá, radio pa komuniká super moderno. Tur esaki nos por a logra huntu ku koleganan di Hulanda,”Rosales a terminá bisando.  Kombinashon di potrèt ta ilustrá momentu ku prensa ku polis a sinta den bon harmonia disfrutá, sisti e stoma i papia riba diferente tópiko.  

Share This
error: Content is protected !!