KRALENDIJK – Durante un enkuentro ku kuerpo polisial Karibe Hulandes (KPCN) a organisá pa sinta huntu ku miembronan di prensa, Hefe di Kuerpo Polisial Karibe Hulandes Sr Jose Rosales a presentá Ronald Zwarter, kende ta hefe suplente nobo di KPCN.

Zwarter a dirigí algun palabra na e okashon i a bisa ku ta un honor pa e por laborá na Boneiru i kontribuí pa protehá habitantenan di e isla. “Mi ta deseá pa konosé e isla durante tempu, i ta pidi boso ayudo den esaki. Komo un polis eksperensiá mi no ta spar niun energia pa kontribuí ku e trabou di polis. Mi tin bista riba futuro i huntu ta bai atendé kon pa frena sierto situashon kontra lei ku ta sosodé. E kuerpo di polis ta stabil i semper tin trabou pa kos ta mihó pa loke ta trata e seguridat den un komunidat. Ta notabel e asuntu di labamentu di plaka i kriminalidat ku a oumentá. Otro kos ta e fenómeno di atendé ku kos ilegal pa medio di Internèt. Tur nos tin bista pe i ta bai traha pa stroba esaki di kontinuá mas tantu ku ta nos alkanse, ”Zwarter hefe suplente di polis a menshoná.    

 

Share This
error: Content is protected !!