KRALENDIJK – Djaweps 10 di òktober tabata e último dia di enkuentro di e esnan ku a forma parti di “Torneo di Reino 2019”. E weganan ku a tuma lugá e aña aki na Boneiru, a yega su final i resultadonan ta konosí. E aktividat final a tuma lugá den Stadion Antonio Trenidat. Durante e atardi bai te anochi, entre otro a dirigí palabra diputado di deporte sr. James Kroon. Tambe a entrega rekuerdo na e partisipantenan.

Resultado final.

Futbòl.

Den futbòl Kòrsou a titulá kampion.

Boneiru e komo supkampion.

Beisbòl.

St. Maarten ta kampion.

Aruba supkampion.

Kòrsou di tres lugá

Boneiru di kuater lugá.

Basketbòl.

Kòrsou kampion.

Di dos lugá ta Hulanda 1.

Di tres lugá ta Boneiru.

Di kuater lugá Hulanda 2.

MVP ta Thiamo Huisman di Kòrsou.

E hóbennan di e otro islanan i paisnan den e torneo, sigur a disfrutá no solamente di e weganan pero tambe e parti dibertishon ku tabatin pa e hóbennan durante nan estadia aki na Boneiru

Animashon musikal tabata na enkargo di Fenty Music i miéntras nan tabata toka tur presente a gosa di un tremendo BBQ. Di e forma aki “Torneo di Reino Bonaire 2019” a yega su final.

Pabien na tur isla i paisnan ku a kai den premiashon di Torneo di Reino 2019.

Share This
error: Content is protected !!