KRALENDIJK – Djabièrnè esenario prinsipal di Regata a keda sakudí i tabata kayente manera nan ta bisa. Hopi hende a aglomerá na e sitio rònt di e esenario pa presensia artistanan. Entre otro a presentá Janiro “Ataniro” Eisden i Lirico En la Casa. Ataniro a pone drama riba esenario, kanta i animá e públiko. Ta notabel ku e públiko a biba di nan alma ku e artista di Aruba. Pa korona obra el a baha for di esenario drenta públiko, kanta i gosa huntu ku nan.
Despues a presentá mas lat “Lirico En la Casa” direktamente for di Republika Dominikana i públiko tabata grita pe promé ku el a subi esenario i a gosa durante su presentashon.
Potrèt ta duna un bista kon ambiente tabata.

Share This
error: Content is protected !!