Djasabra den oranan trempan di anochi un ‘speedboat’ ku ta karga e nomber ‘Hustler’ a boltu i kuminsa sink.
Polis, Wardakosta, Douane i otro botonan ku tabata den serkania a yega mesora pa bai yuda.
Segun testigunan e ‘speedboat’ tabata moviendo ku velosidat basta haltu i den un maniobra nan lo mester a mira kon e ta saka e tripulantenan benta den laman pa despues bira bai boltu.
Mesora a pidi presensia di 2 ambulans riba waf pa ta pendiente pa e heridonan.
Informashon ku nos ta dispone di dje ta indika ku nan a trese 3 persona tera i mesora personal di ambulans a kuminsa traha ku nan.
1 di e herido nan ta grave i mesora a transporte pa hospital.
Outoridatnan ta investigando e aksidente riba laman di e speedboat Hustler di Korsou.

UPDATE POLIS.

Djasabra den oranan di atardi a drenta notifikashon di un aksidente riba laman durante di “boat party” meimei di klein Bonaire i haf.

Ta trata di un boto ku 3 pasahero ku a boltu, i tur 3 viktima mester a keda transportá pa hospital pa trato mediko.

I un “seadoo” ku a boltu kaminda 1 viktima a keda transportá pa hospital pa trato mediko.

FUENTE: AIMED AYUBI.

NOTISIA KU BO POR KONFIA.

Share This
error: Content is protected !!