Awe djamars atardi den kareda di 6:25 pm mèlding a drenta na warda di polis di un aksidente di tráfiko ku a tuma lugá riba kaya Ing Statius van Eps ku ta e kaminda ku ta dirigi pa Sorobon.
Buriku lo mester a sali dilanti di un motosiklista ku tabata riba e kaminda.
Esaki a pone ku e motosiklista a pèrdè kòntròl riba su motosaikel, pone ku ela baha kaminda i bai kai den mondi.
E víktima a sufri heridanan serio na altura di su kabes i rònt su kurpa.
Polis i ambulans a yega rapido na e sitio.
Paramedikonan mester a pone e víktima stabil promé ku por a transporte pa hospital.
Departamentu di polis di tráfiko ta investigando kousa eksakto di e aksidente.

Share This
error: Content is protected !!