KRALENDIJK – Awe a pasa e grabashon di un di e personanan ku BYOF Media a hasi grabashon kuné den un seri di dokumental di ‘Nos Hendenan’. Ta trata di grabashon amplio di Thuersten Winklaar, relashoná ku e deporte ku e ta praktiká. Reksel Engelhart: “E promé temporada a skohe personanan ku ta praktiká deporte ekstremo, un total di 6 persona. Kiri Thode, Thuersten Winklaar, Maurison Martines, Fittipaldi Pietersz, Christiaan Zweers, i Davidlee Winklaar. E dokumentario di Thuersten ta esun ku nos a distribuí pa diferente organisashon pa publikashon di e video na Boneiru i Kòrsou. Thuersten no ta un persona deskonosí. Awe radio Live 99.9 FM a risibí e grabashon for di BYOF i ta estrena esaki, kaminda tur hende por tuma nota di e grabashon. Idea di e grabashon ta pa ilustrá kuantu kos e persona ta eksperensia den bida for di mucha chikitu i yega kaminda nan ta. Tin di nan tabata mucha ku no tabata skucha di nan mayor, aktua inkorekto i mas. Tur e kosnan aki ta keda trese dilanti. Di e manera aki ta konosé e persona ken e ta i tur loke el a pasa aden i logra loke e ta práktika. E 6 nòmber ku nos a menshoná ta personanan ku kada un ta praktiká un deporte diferente. Si tuma nota kiko nan ta hasi den nan deporte, ta inkrehibel pero bèrdat. Durashon di e dokumentario ta algu ménos ku 1 ora. Ta estrená despues di kada salta siman, un di esnan ku BYOF a hasi grabashon kuné. Esaki ta pa laga ilustrá na otronan ku tin difikultat pa logra den nan deporte, i di esaki nan por mira i siña for di dje kon pa logra loke nan ta práktika. E idea ta pa kontinuá riba diferente kos ku hende ta destaká, entre otro farándula, kultura, kulinario i mas di loke ta na kaminda presentá. Di e forma aki ta ilustrá pueblo i esnan den eksterior, loke nan ta hasi i kon nan a logra. For di awe por mira esun di Thuersten Winklaar riba e página di ‘Facebook’ di Live99 i ta importante pa komentá di loke tin den e grabashon, asina nos por tuma nota i koregí i mehorá kaminda ta nesesario den un grabashon,”Reksel a menshoná.   

E dokumentarionan ta keda estrená riba e siguiente fechanan pa 2’or di trai mèrdia:

  • 15 ÒKTOBER
    29 ÒKTOBER
    12 NOVÈMBER
    26 NOVÈMBER
    10 DESÈMBER
    24 DESÈMBER

Share This
error: Content is protected !!