KRALENDIJK – Djadumingu durante Santu Sakrifisio di misa na parokia La Bírgen di Coromoto, Pader Alphonsus Baak a invitá parokianonan pa nan ta presente awe djamars 15 di òktober, 7’or anochi. Despues ku Pader a resa i bendishoná esnan kende a selebrá nan fecha natal, a invitá tur parokiano pa nan ta presente na e selebrashon grandi di awe. Esaki ta relashoná ku konferensia di klero Diósesis Willemstad 2019 na Boneiru. Djamars tin Santu Sakrifisio di misa na parokia La Bírgen di Coromoto kaminda mas di 30 pader ta presente. Misa ta kuminsá 7’or di anochi i no mitar di ocho manera ta kustumber. Un boka bisa otro pa topa i huntu selebrá un bunita selebrashon den bista di señor.    

Share This
error: Content is protected !!