Sentro Hubentut i Famia (ShiF) ta organisá anualmente Siman di Edukashon. E aña aki e tema ta Man den MAN (hand in hand) ku ta simbolisá e importansia di traha den koperashon pa por logra un meta komun.

Shif huntu ku Plataforma di Bario Amboina a traha un programa pa e siman di Edukashon ku ta di 14 pa 18 di òktober.

E intenshon ta pa konhuntamente ku habitantenan di bario, plataforma Amboina , IWA, i ku sosten di Shif (Sentro Hubentud i Famia) yuda krea union den e bario den e forma ku ta sirbi e bario di Ambiona mihó.

Den e siman di Edukashon lo tin durante tres dia aktividatnan kompletamente grátis. Dos dia lo tin charla di kua e habitantenan mes a skohe e tópikonan ku ta “ Ta Mayor” i “Mama soltero”.

E di tres aktividat lo ta un tremendo show di talento bou di hóbennan, titulá “Ambiona tin talento”

E programa:

Djaweps 17 di òktober charla “ MAMA SOLTERA” na Sentro di bario Amboina di 19.00 pa 20.30’or

Djabièrnè 18 di òktober Show: AMBOINA TIN TALENTO ! na sentro di bario di 18.00 pa 20.00’or

Na promé lugá Shif ta invitá e habitantenan di Ambiona, Prensa , instansianan i pueblo Boneriano pa akudí na e diferente aktividatnan i mira tur lokual e bario di Amboina tin aden.

Dor di pone man den man ku e intenshon pa koperá esaki lo trese ku ne, resultadonan positivo i alabes lo krea un ambiente plasentero riba e isla di Boneiru.

Un felis siman di Edukashon!

Pa kualke pregunta i/òf informashon por akudí libremente na Shif of por bèl na telefòn 715-7200 puntra pa Mientje Nicolaas.

Share This
error: Content is protected !!