KRALENDJIK – 2 di ougùstùs 2019 suidadano Richard ‘Cha’ Pietersz tabata na ‘Dos pos’ i momentu ku el a bai kontrolá radieter di outo algu a bai robes i awa kayente di radieter a kima ful su barika.     

Cha Pietersz a konta Radio Live 99.9 FM ku e la kai den pániko i a kore bai Rincon pa asina ambulans yud’é pa e yega hospital. CHA: ”Ku tur e doló di mi barika kimá, mi a kore yega den Rincon na e sitio destiná pa e ambulans, i a konstatá ku no tin ambulans den Rincon. Mi a tuma e desishon pa kore bai mi dòkter di kas, ku ta dòktera Bernabela den e situashon ku mi tabata ku tur e konsekuensianan. Aya mi a haña un dòkter hulandes i el a yudami i a bisami bai kas i drumi kontinuá ku rekuperashon. Den e forma ku mi tabata asina mi a regresá Rincon i bai kas. Despues di 4 dia dòktera Bernabela a regresá trabou i el a mandami spesialista. Aya nan a puntrami si ta ku ambulans mi a bin serka nan, esaki relashoná ku e situashon grave di mi barika, ”Cha a konta. El a sigui bisa: ”Durante fin di siman mester a sali den kayente di solo ku mi barika habri na herida di kemadura bai Huisarts en Post, dilanti di hospital pa tratamentu di e herida na mi barika. No tin un lugá ku por duna asistensia den Rincon pa algu simpel i no grave ku ta den rekuperashon. Mester sali for di Rincon bai playa pa e tratamentu,”Cha a menshoná. Potrèt ta duna un bista di e herida na barika di e suidadano.  

Share This
error: Content is protected !!