DAK DI EDIFISIO PROMÉ KU 2008 POR TA KONTENÉ ASBÈST.

0 Comment


KRALENDIJK – Sandra Martina Arbeidsinspektie SZW tabata den e programa di Radio Live 99.9 FM awe mainta. El a elaborá riba loke ta e funshon komo un ‘arbeidsinspektie’. Martina a elaborá mas  riba e tópiko di asbèst. :”Awor  for di yüli 2019 tin un palabrashon pa por atendé kontrolá asbèst. E asuntu di Asbèst ta hopi bia den e parti di material pa dak di kas eternit, sinembargo e por ta den pipa tambe. Hopi bes no ta mir’é. Ta na momentu ku kòrtá òf kibra e material i hasi un tèst den laboratorio, por determiná kua tipo di material e kos ta traha kuné. Asbèst ta hopi peligroso. Spesialmente kasnan for di 2008 i mas promé ku e aña menshoná por ta kontené asbèst. For di 2008 no por importá material ku kontené asbèst. Si un persona ta bai remodela un kas ku ta traha promé ku 2008, e tin ku tuma kontakto i buska un kompania independiente ku ta establesé na Boneiru, i e kompania ta kontinuá loke mester tuma lugá. Si ta algu chikitu por tuma kontakto ku nos di SZW.  Tur gastu ta pa e doño di kas, i mester hasi esaki pasobra e ta den lei pa trata e dak di kas ku tin asbèst. Di tur manera un persona ku tin sospecho ku dak di e kas ku e ta biba aden ta kontené asbèst, por tuma kontakto ku SZW pa hasi e proseso nesesario ku e material,”Martina a menshoná. El a sigui bisa ku tin hopi petishon pa atendé ku asbèst na Boneiru pa entre otro kas. E asbèst no ta un problema te na momentu ku laga un persona atendé inkorekto ku esaki. Pa e motibu aki ta hopi importante pa konsulta ku SZW. Por yama number di telefon 7158888 òf pa medio di email adres òf por pasa personal SZW,”Martina a bisa.

Share This