KRALENDIJK – Durante tratamentu di kaso di atrako na supermerkado Van den Tweel, akusado Leopold M. a ekspresá tur loke e tabatin pa mustra hues ku e no ta kómplise di e atrako. “Danki ku mi por usa mi lastu palabra amplio awe tardi. Dia 20 di mei, mi tambe tabata den e loke a sosodé, esta e atrako ku arma di kandela, i kos por tabata pió. Ami tabata víktima i ta detené awor. Mi ta den prison pa algu ku ami no tabata forma parti di dje, tampoko palabrashon. Ami no ta den niun organisashon kriminal. Un atrako armá di dia kla, ta loke a sosodé na entrada prinsipal di e supermerkado, kaminda tabatin yen di hende, esaki no por wòrdu aseptá. Na Kòrsou e ta sosodé hopi, ”Leopold a menshoná. El a sigui bisa hues i tur presente: ”Tin bes un detenido na momentu di deklarashon tin 2 kos ku por sosodé. Si bo no koperá, hopi bes bo ta sali di malu na final di tratamentu di e kaso. Si bo papia kos, tambe ta malu. Bo mester wak bon kiko bo ta papia, i si ta bai tradusí loke bo a deklará na papiamentu pa hulandes, konta ku bo deklarashon ta kambia drástiko. Hopi bes e palabra ta kambia i tin otro nifikashon, pone ku bo ta bira kulpabel apesar di ta inosente, entre otro den mi kaso. Manera mi a bisa den kombersashon di 2 hende, semper tin informashon. Nunka mi a usa mi derecho di keda ketu. Mi a konta loke a pasa desèmber, kaminda Angelo D. i ami tabatin un kombersashon tokante mi trabou ku ta transporte di plaka. Ora mi a haña sa ku ta trata di informashon pa tira atrako, mi no a sigui papia mas di esaki. Debí na e regla di Delta Security, mi no a no por a duna niun informashon, na Angelo sigur ku no. Tin prueba ku ami no a partisipá den e kaso di robo di plaka for di Van den Tweel Supermarket. Tin prueba ku ami no tabatin e botin i no a haña niun depchi. Angelo mes a bisa na Steven S. ku a usami. E palabra no tabata adekuá. No ta pasobra ami a papia ku Angelo, mi a faya ku hustisia. Angelo a hasi mal uso di loke ami a bisa. Mi ta inosente. Mi tin duele i rabia di loke a sosodé. Mi ta fuerte na mente i awor mi tin dos sentimentu. Rabia i duele. Duele pasobra mi ta sinta lunanan den prison inosente, famia ta sufri i ami a pèrdè trabou. Duele ku komunidat a keda sorprendé. Rabia pasobra mi supuesto amigu, ami ta rabia kuné. Mi ta bisa hues si pa motibu di e kombersashon ku ami tabatin ku Angelo, mi ta kulpabel. Pueblo i Delta Security despensámi. Mi no ta metí, tampoko kómplise den atrako òf kos kriminal. Mi ta pidi hues pa tuma tempu i studia e kaso promé dikta sentensia. Si resultá ku ami ta forma parti di echo kastigabel, por fabor dunami algu kondishonal. 

Share This
error: Content is protected !!