KRALENDIJK – OM a informá ku a reforsá e tim di komunikashon di ministerio públiko ku un kolaboradó nobo. For di prome di òktober 2019, Shurminia Martina ta laborá na parkèt di prokurador general pa Kòrsou, Boneiru Sint Eustatius, Sint Maarten i Saba, komo kolaboradó di komunikashon i informashon. Di e forma aki kada isla i pais ta disponé di kolaboradó di komunikashon dediká. Martina ta dediká na informashon interno i eksterno pa ministerio públiko Kòrsou. Bou di kua e tin e tarea di bosero. Trabou di komunikashon i tareanan di bosero pa islanan BES, ta na enkargo di Roderick Gouverneur. Pa loke ta trata Sint Maarten Hazel Durand ta enkargá ku e tareanan di komunikashon. Ku e konstelashon nobo menshoná, e tim di komunikashon i ministerio públiko ta aspirá pa alsa nivel den dunamentu di informashon general na e diferente komunidat tokante e trabou. Ta sigui traha riba profeshonalismo di e organisashon, OM a informá. Roderick Gouverneur lo ta presente na Boneiru 2 bia pa siman i otro dianan e ta na hermana isla Kòrsou. Den futuro ta wak si ta nesesario ahustá algun kos den e situashon.

Share This
error: Content is protected !!