KRALENDIJK — Awe mainta por a tuma nota ku a kuminsá ku preparashon pa ponementu di lus relashoná ku temporada di Pasku. Kisas ta parse trempan òf tin hende ta bisa, Pasku di nasementu di niño Hesus ta leu. Importante ta pa prepará for di trempan pasobra e dianan ta pasa rápido. Manera hopi ta bisa luna di novèmber i luna di desèmber tin otro velosidat kompará ku otro lunanan di aña. E ta un bisá ku no ta realidat, sinembargo e dianan di e lunanan ariba menshoná, ta pasa komo si fuera nan ta diferente for di otro lunanan di un aña. Riba potrèt esnan ku tabata baha kos for di trùk i pone riba rotònde di Sùrnan di Roosendaal dilanti di parokia San Bernardo.  

Share This
error: Content is protected !!