KRALENDIJK – Djamars 22 di òktober ta dia ofisial di Toastmaster. Boneiru tin 2 grupo di Toasmaster. Nan ta Sentebibu i Flamingo Toastmaster Club. Jefferson Rosalia resientemente durante un entrevista na Radio Live99.9 FM, a konta e motibu di eksistensia di Toastmaster. Ta trata di un organisashon ku ta yuda un persona desaroyá e forma di presentá den públiko òf den un reunion i mas. E por yuda un persona pa e ta fuerte pa loke e ta hasi den su bida diariamente. Flamingo Toastmaster tin 25 miembro. Por aserka un miembro kende na su turno por invitá un persona pa e tuma parti na e organisashon. Esaki ta konta pa ámbos grupo di Toastmaster ku tin na Boneiru. Flamingo Toastmaster Club tin reunion di 2 i di 4 djasabra di luna pegá ku ofisina di Fundashon Forma. Por haña informashon di ámbos organisashon pa medio di Facebook, sea Flamingo òf Sentebibu Toastmaster Club. Benefisio so un hende tin na momentu ku e ta forma parti di un di e klupnan ariba menshoná, Rosalia a menshoná. 

Pabien awe na tur ku ta forma parti di un klup di Toastmaster. 

Share This
error: Content is protected !!