KRALENDIJK – Grupo di Orashon Spiritu Santu a kumpli 44 aña di eksistensia. Relashoná ku esaki, mayoria di miembro di e grupo a selebrá un dia di goso na Zòzò Ranch. E grupo di orashon ta bou di guia di Anne Marie Pietersz, kende Sur Virginia e persona ku a funda e grupo di orashon a pasa timon pa Pietersz kontinuá na kabes di e grupo, ya pa hopi aña pasa. Pa korona obra di e selebrashon sùr Virginia tabata presente durante nan selebrashon djasabra último. Sur ta bon konosí na Boneiru i e grupo di orashon ku el a fundá na 1976, ta e grupo di orashon di mas tantu aña na Boneiru. E miembronan di grupo tabata hopi kontentu ku sùr Virginia i algun sur mas a selebrá e dia huntu ku nan. Durante e mèrdia na Zòzoò Ranch nan a hasi un orashon, despues kanta kantika di alabansa i a saboriá un tremendo plato di kuminda, sinta bou di palu i den sombra di dak.

Share This
error: Content is protected !!